而家就算出街食飯都唔想同人迫，餐餐食外賣又就嚟人都癲…
如果有機會開間餐廳有埋露天座位，大家可以坐得舒服啲，唔知有冇得撈呢？！🧐
等舖醫師話你知👨🏻⚕️：開舖前除咗要申請食肆牌照，仲要就露天座位提交申請㗎！
唔好以為只係交張表格咁簡單，事關你嘅露天座位仲要符合土地合法使用權、規劃、樓宇安全、消防安全、交通同道路規定！
無論申請嘅露天座位係位於政府土地定私人用地，
都要記得第一「宜」：就係必須同食肆相連而無須經過大街傳送食物或者飲品，而且食肆內嘅有蓋處所都需要按比例增加食物製造範圍同清洗碗碟嘅範圍，面積相等於露天座位嘅十分之一。
諗住有露天座位搞啲戶外燒烤夠晒惹味？要小心犯咗第一「忌」，就係露天座位內不得使用明火煮食或者加熱食物，而且露天座位亦唔可以位於任何危險品倉庫或者裝置嘅6米範圍內，否則都係違反消防安全規定㗎啦！
咁係咪符合晒啲安全規定就搞掂㗎啦？仲未得住！
因為批唔批露天座位最關鍵仲要視乎該區公眾意見嘅評估結果而定㗎！
唔想俾繁複嘅程序搞到你嘅搵食大計無了期延誤？
咁不如搵我哋嘅舖醫師傾傾，由搵舖、裝修、出牌、工程去到室內設計都可以一站式搞掂，放心將你嘅搵食大計交俾我哋幫你啦！